एस.एस.मणियार विधी महाविद्यालयात रक्तदान शिबिर संपन्न

जळगाव – (प्रतिनिधी) – येथील एस.एस.मणियार विधी महाविद्यालयात राष्ट्रिय सेवा योजना व रेड क्रॅास सोसायटी जळगावच्या साह्याने महाविद्यालयात दि.22 डिसेंबर 2021 रोजी रक्तदान शिबिर आयोजित करण्यात आले.या रक्तदान शिबिरासाठी प्रमुख पाहुणे म्हणून रेडक्रॅासचे डॅा.एस.बी.सोनवणे उपस्थित होते. प्राचार्य डॅा.बी.युवाकुमार रेड्डी यांनी प्रमुख पाहुण्यांचे पुष्पगुच्छ देऊन स्वागत केले व शिबिर आयोजनामागची भूमिका स्पष्ट केली.

डॅा.सोनवणे यांनी रक्तदानाचे महत्त्व स्पष्ट केले. या शिबिरात 3४ विद्यार्थ्यांनी रक्तदान केले. कार्यक्रमास उपस्थित मान्यवरांचे आभार प्रोग्राम ऑफिसर डॅा.रेखा पहुजा यांनी मानले. या शिबिराला डॅा.विजेता सिंग, डॅा.योगेश महाजन,प्रा.गणपत धुमाळे, ग्रंथपाल प्रा.अमिता वराडे उपस्थित होते तसेच विद्यार्थी ऐश्वर्या मंत्री, विपश्यना सपकाळे, रिशिकेश रावेरकर व ईतर एन एस एस च्या स्वयंसेवकांनी परिश्रम घेतले.