पाळधी/जळगांव(चेतन निंबोळकर)- दिनांक ५सप्टेंबर गुरुवार रोजी नोबल इंटरनॅशनल स्कूल पाळधी येथे शिक्षकदिन उत्साहात साजरा करण्यात आला. यात कार्यक्रमाच्या अध्यक्षस्थानी शाळेचे अध्यक्ष श्री. प्रशांत सुर्यवंशी यांच्यासह सौ. अर्चना सुर्यवंशी आणि जेष्ठ पत्रकार उमेश झंवर उपस्थित होते. कार्यक्रमाची सुरुवात डॉ. सर्वपल्ली राधाकृष्णन यांच्या प्रतीमेला पुष्पहार अर्पण करून त्यांच्या कार्याची माहिती देण्यात आली.शाळेचे इयत्ता ४ थी ते ५ वी च्या विद्यार्थांनी शाळेचे व्यवस्थापन अतिशय शिस्तप्रिय व व्यवस्थित रित्या केले. विद्यार्थ्यांनी शिक्षकांसाठी विविध खेळांचे नियोजन केले होते. शाळेच्या व्यवस्थापन मंडळाकडून सर्व शिक्षकांना एक उपहार देऊन त्यांना सन्मानित करण्यात आले. तसेच विद्यार्थ्यांनी देखील शिक्षकवृदांचे स्वागत केले. कार्यक्रमाच्या शेवटी नोबल इंटरनॅशनल स्कूलतर्फे “आरोग्य धन संपदा” या ब्रीदवाक्य ला अनुसरून सर्व शिक्षकांची आरोग्य तपासणी करण्यात आली. हि आरोग्य तपासणी गावातील प्रतिष्ठित डॉ. मेहूल पटेल यांच्या मार्फत करण्यात आली. कार्यक्रम यशस्वीतेसाठी शाळा व्यवस्थापन समिती, मुख्याध्यापक योगेश करंदीकर यांच्यासह उज्वला झंवर आणि सर्व शिक्षक, विद्यार्थ्यांनी सहकार्य केले.
