सौ.सु.ग.देवकर प्राथमिक विद्यालयात राजमाता जिजाऊ व स्वामी विवेकानंद यांची जयंती साजरी

जळगांव(प्रतिनिधी)- शि.प्र.मंडळ संचलित सौ.सु.ग.देवकर प्रायमरी स्कूल मध्ये राजमाता जिजाऊ व स्वामी विवेकानंद जयंतीनिमित्त शाळेच्या मुख्याध्यापिका सौ.साधना महाजन यांच्या हस्ते प्रतिमापूजन करण्यात आले. रूबीना तडवी यांनी राजमाता जिजाऊ यांच्या जीवनकार्याची माहिती सांगितली. प्रदीप पाठक यांनी स्वामी विवेकानंद यांच्या जीवन कार्याची माहिती सांगितली. “जिजाऊ ते सावित्री सन्मान महाराष्ट्राच्या लेकींचा” या अभियानांतर्गत चित्रकला व निबंध स्पर्धा या शैक्षणिक उपक्रमांचे आयोजन करण्यात आले. याप्रसंगी सर्व शिक्षक वृंद व शिक्षकेतर कर्मचारी उपस्थित होते.