जळगाव तहसील कार्यालयात सोमवारी ऑनलाइन लोकशाही दिन

जळगाव, दि. 1 (जिमाका वृत्तसेवा) – नागरिकांच्या तक्रारी, गाऱ्हाणी सोडविण्यासाठी लोकशाही दिनाचे आयोजन करण्यात येते. सध्या कोरोना विषाणूचा संसर्ग व प्रादुर्भाव रोखण्यासाठी राज्य शासनाने घोषित केलेल्या लॉकडाऊन कालावधीमध्ये तालुका/जिल्हाधिकारी/महानगरपालिका व विभागीय आयुक्तस्तरावर लोकशाही दिनाचे आयोजन दूरचित्रवाणी परिषदेव्दारे (video Conferancing) करणेबाबत निर्देश देण्यात आलेले आहेत.  त्यानुसार सोमवार 7 फेब्रुवारी, 2022 रोजी  संबंधित तहसील कार्यालय येथे तालुका स्तरावरील लोकशाही दिन आयोजित करण्यात आला आहे. सर्व संबंधितांनी तालुका स्तरावरील लोकशाही दिनाचा लाभ घ्यावा. असे निवासी उपजिल्हाधिकारी राहुल पाटील यांनी प्रसिध्दीस दिलेल्या पत्रकान्वये कळविले आहे.