फरकांडे ता. एरंडोल येथील नाभिक समाजाचे कार्यकर्ते व सध्या य.च. महाराष्ट्र मुक्त विद्यापीठ नाशिक येथे सेवेत असलेले मिलिंद लोटनराव ठाकरे यांचे सुपुत्र प्रणव मिलिंद ठाकरे हा नुकताच इंग्लंड देशात प्लायमाऊथ यूनिव्हर्सिटी येथे रवाना झाला आहे. सप्लाय चेन मॅनेजमेंट अँड इंटरनॅशनल लॉजिस्टिक (एम.एस.) या मास्टर डिग्रीसाठी त्याची प्लायमाऊथ यूनिव्हर्सिटी इंग्लंड यांच्यामार्फत निवड झाली आहे. प्रणव हा फरकांड्याचे माजी सरपंच, वि.का.सोसायटीचे मा.चेअरमन ,व भारती विद्यामंदिर चे उपशिक्षक राजेंद्र ठाकरे यांचा पुतण्या आहे. प्रणव चे सर्व स्तरावरून कौतुक व अभिनंदन होत आहे. जळगाव दिलासा व्यसनमुक्ती केंद्राचे अध्यक्ष साहेबराव पाटील,उपाध्यक्ष सुधीर वसाने,माजी सरपंच सौ. किरण पाटील, रोहिदास पाटील, पत्रकार संजय बागड यांनी छोटेखानी प्रणव चे स्वागत व सत्कार करून कौतुक केले आहे.
