<
भडगाव : प्रतिनिधी
नुकताच भडगाव तालुक्यातील वाक येथिल रहिवासी अरुण प्रभाकर शिरसाठ यांचा वडजी फाट्या जवळील मोरी जवळ रात्रीच्या वेळी मोटारसायकल चा अपघात झाला . अपघातात ते अतिशय गंभीर जखमी झाले . ते दवाखान्यात उपचार घेत असून त्यांची घरची परिस्थिती खूपच हालाखाची आहे . या अपघाताचे वृत्त समजताच भडगाव तालुक्यातील किसान शिक्षण संस्थेचे चेअरमन प्रतापराव हरि पाटील यांनी या व्यक्तिला मदतीचा हात देऊन तात्काळ ११००० रुपयाची आर्थिक मदत या व्यक्तिच्या कुटुंबियांकडे दिली . प्रतापराव पाटील यांनी एक दातृत्वाची भूमिका घेऊन त्यांच्या कुंटुबियांच्या दुःखात सहभागी होवून त्यांना आर्थिक मदतीचा हात दिल्यामुळे त्याचे सर्व स्तरातून कौतूक होत आहे .
या अपघातग्रस्त व्यक्तिची मुलगी कु. दिक्षा अरुण शिरसाठ हि वडजी येथिल टी .आर . पाटील विदयालयात इयत्ता ६ वी च्या वर्गात शिक्षण घेत आहे .
वाक येथे जाऊन प्रतापराव पाटील यांनी या अपघातग्रस्त व्यक्तिच्या कुटुंबियांना मदतीचा हात देतेवेळी वडजी विद्यालयाचे मुख्याध्यापक ए .एस .पाटील , बी .वाय . पाटील , पोलीस पाटील कैलास मोरे यांचे सह सर्व शिक्षक आणि शिक्षकेतर बंधू भगिनी हजर होते .
