मोहरम निमित्त हिंदु-मुस्लिम एकतेच दर्शन

जळगांव(धर्मेश पालवे):- शहर राजकीय दृष्ट्या व विकास बाबतीत जरी मागे असले तरी मात्र धार्मिक बाबतीत आजही एकसमृद्ध अस शहर म्हणून ओळखले जाते. या ठिकाणी दिवाळी, दसरा,ईद व मोहरम हे सण आजही नातेवाईकासह एकत्र येऊन साजरे केले जातात. मोहरम हा मुस्लिम समाजात महत्वाचा सण असतो ,सालाबाद प्रमाणे हिंदू मुस्लिम बंधू एकत्र येत मोहरम निमित्त ताजिया म्हणजे ताबुद चे दर्शन घेण्यासाठी मोठ्या संख्येने येतात.
आज बाबा सैयद जालालोद्दीन औलिया फौंडेशन तर्फे सुभास चौक जळगांव येथे कार्यक्रमात हिंदू मुस्लिम बांधवांनी ताजिया चे दर्शन घेतले ,या कर्यक्रमात सर्वांनी सहभाग घेत कार्यक्रम संपन्न केला. कार्यक्रमास भानुदास गायकवाड, नारायण करोसिया,विनोद कंडारे,दिलीप सपकाळे, सरफराज तडवी, शे इरफान शे उस्मान आदी मान्यवरासह हिंदू व मुस्लिम बांधव हजर होते.