यंग इंडिया स्टार्टअप उपक्रमाचा उद्घाटन सोहळा उत्साहात संपन्न

जळगाव – (प्रतिनिधी) – UNACCC अंतर्गत यंग इंडिया स्टार्टअप उपक्रमाचा उद्घाटन सोहळा 24 एप्रिल रोजी यशस्वीरीत्या पार पडला.
या उपक्रमाअंतर्गत शहरी तसेच ग्रामीण भागातील तरुण उद्योजकांना विविध माध्यमातुन सहकार्य केले जाणार आहे. आत्मनिर्भर भारत निर्माण करून भारतीय अर्थव्यवस्थेस गती देण्यासाठी या कार्यक्रमाची आखणी केली गेली आहे.

उद्घाटन समारंभास प्रमुख पाहुणे म्हणून राजदूत डनस्टन परेरा, एचएच शेख अहमद बिन फैसल अल कासिमी दुबई यांच्या खाजगी कार्यालयाचे सीओओ आणि आमदार रोहित पवार उपस्थित होते.
विशेष प्रमुख पाहुणे म्हणून माननीय लॉर्ड डेरेक डिझी हुआंग, संयुक्त राष्ट्र IGO चे उप महासचिव न्यूयॉर्कहून जोडले गेले होते.
या उपक्रमाचे आयोजन UNACCC युवा परिषद महाराष्ट्र, समन्वय संघ रोहित काळे (अध्यक्ष), दिव्या भोसले (सचिव), रोहन महाजन (उपाध्यक्ष), संकेत चौधरी (सरचिटणीस), अनिस जी (सरचिटणीस) आणि निशांत फळे जी यांनी केले होते.

प्रमुख वक्ते म्हणून डॉ. सुकेश झामवार, सीईओ बुलढाणा अर्बन बँक, डॉ. संदीप मारवाह (अध्यक्ष ICMEI), श्री समीर कुलकर्णी (उपाध्यक्ष,YES Bank) आणि डॉ. पी. के .राजपूत (सीनियर उपाध्यक्ष, कॅडिला),उपस्थित होते.
आणि कार्यक्रमाचे विशेष अतिथी म्हणून डॉ. रजत शर्मा (अध्यक्ष युनायटेड नेशन्स ऍक्शन फॉर क्लायमेट चेंज कौन्सिल), जगन्नाथ पटनायक (आयसीएफएआय विद्यापीठाचे कुलगुरू) डॉ मुकुल गुप्ता, (वरिष्ठ अधिकारी, भारत सरकार), सौ निकिता बोस (सीईओ-एफसीई, स्टार्टअप इंडियाच्या बिझनेस मेंटॉर), डॉ सहदेव सिंग ( वरिष्ठ अधिकारी, भारत सरकार),श्री आबासाहेब काळे, (सीईओ, सह्याद्री फार्म्स सस्टेनेबल ग्रासरूट्स इनिशिएटिव्ह लि.) डॉ.अनिल फले, (एमडी, अप्रतीम मीडिया), श्री मुकुल गर्ग (व्यवस्थापकीय भागीदार, आदित्य बिर्ला लिमिटेड), श्री. विघिल कनेथारा (सीईओ, फ्लोटिंग सिटी लिमिटेड लंडन), ज्ञानदेव गाडेकर (प्राचार्य, शासकीय कृषी महाविद्यालय) उपस्थित होते, कार्यक्रमाचे सूत्रसंचालन श्रेयस दुबे आणि मृणाल तिवारी यांनी केले, संकेत चौधरी यांनी या उपक्रमाबाबत थोडक्यात माहिती सांगितली तर रोहित काळे यांनी या कार्यक्रमाचे समारोपन केले.