जळगाव दि.10- के. सी. ई च्या पी. जी. महाविद्यालयात “पीजी टेक्नॉलॉजीया” स्पर्धा नुकतीच पार पडली. यावेळी कार्यक्रमाचे अध्यक्ष प्राचार्य डॉ. व्ही. एस . झोपे, प्रमुख अतिथी प्रा. जे. एन. चौधरी, मु. जे महाविद्यालय जळगाव, कार्यक्रम समन्वयक प्रा. जावेद खान, आय. क्यू. ए. सी. समन्वयक प्रा. संदीप पाटील, डॉ. आर. एम. पाटील उपस्थित होते. विद्यार्थ्यांतील सादरीकरण, व्यक्तिमत्व विकास यासारख्या कलागुणांना वाव देण्यासाठी विद्यार्थ्यांसाठी ऍनिमेटेड पॉवर पॉइंट प्रेझेंटेशन या विषयावर स्पर्धा घेण्यात आली.
या स्पर्धे अंतर्गत महाविद्यालयातील पदव्युत्तर विद्यार्थ्यांनी ॲनिमेटेड पावर पॉइंट द्वारे भाग घेतला. स्पर्धेसाठी महाविद्यालयातील व परिसरातील विद्यार्थ्यांनी सक्रिय सहभाग नोंदविला. या कार्यक्रमामध्ये अनेक विद्यार्थ्यांनी अतिशय उत्तम प्रकारे सादरीकरण केले. स्पर्धेत प्रथम क्रमांक द्वितीय क्रमांक प्राप्त करणाऱ्या विद्यार्थ्यांना प्रा. चौधरी यांच्या हस्ते रोख पारितोषिके वितरित करण्यात आली.स्पर्धेत सहभागी विद्यार्थ्यांचे व पारितोषिक विजेत्यांचे मान्यवरांनी कौतुक केले. कार्यक्रमाचे सूत्रसंचालन डॉ. स्नेहल देशमुख व वैशाली पुणेकर यांनी तर आभार डॉ. सारंग बारी यांनी व्यक्त केले कार्यक्रम यशस्वीतेसाठी महाविद्यालयातील शिक्षक व शिक्षकेत्तर कर्मचारी यांनी परिश्रम घेतले.
