जळगाव – (प्रतिनिधी) – केशवस्मृती प्रतिष्ठान संचालित सेवा वस्ती विभागाच्या वतीने आज दि. २८ जून २०२२ रोजी येथे हरिविठ्ठल नगर निशुल्क कॅन्सर निदान शिबीराचे आयोजन करण्यात आले आहे. तपासणीसाठी जळगाव शहरातील सुप्रसिद्ध कॅन्सर तद्न्य डॉ. नितीन चौधरी यांनी ५३ रुग्णाची तपासणी करत पुढील उपचाराविषयी मार्गदर्शन केले.
सकाळी ११ वाजता डॉ.नितीन चौधरी सेवावस्ती विभाग प्रकल्प प्रमुख डॉ. विवेक जोशी, सहप्रकल्प प्रमुख सौ मनिषा खडके, यांच्या हस्ते धन्वतरी पूजन व दीपप्रज्वलन करून तपासणी शिबिरास प्रारंभ झाला. कार्यक्रमाचे प्रास्ताविक सौ मनिषा खडके यांनी केले तर सूत्रसंचालन स्नेहा तायडे यांनी केले. यशस्वितेसाठी राधिका गरुड, मंगला अहिरे, कांचन सांगोळे, नीता सुर्यवंशी यांनी परिश्रम घेतले.