दहिवद, ता. अमळनेर । दहिवद विकास सोसायटी निवडणुकीत यावेळी बळीराजा पॅनलचे नेतृत्व प्रवीणआबा माळी यांच्याकडे देण्यात आले होते. जातीयवादाला मूठमाती देण्यासाठी गावातील बहुतांश लोकांनी हा निर्णय घेतला होता.
दहिवद गावाचा राजकीय इतिहासात पहिल्यांदाच माळी समाजाकडे नेतृत्वाची धुरा प्रवीणआबा माळी यांच्याकडे देण्यात आली होती. गावातील मराठा समाजाने देखील प्रवीणआबाच्या नेतृत्वाला साथ दिली.
दिनेशजी पाटील यांनी गावातील संपूर्ण समाजाची तसेच इतर समाजाची मदत प्रवीणआबा माळी यांच्यामागे उभी केली.
या निर्णयाला आणि पहिल्यांदा माळी समाजाला राजकीय नेतृत्व देण्याचा मनाचा मोठेपणा सर्वांनी दाखवला.
तसेच राजेंद्र पांडुरंग पाटील,ईस्वर गिरधर माळी,संजय भगवान माळी, शांताराम शेनपडू माळी, सुरेश लखा माळी,सुरेश निळकंठ माळी, जगदीश शांताराम देसले,अशोक साहेबराव पाटील,रणजित सुधाकर पाटील,गुलाब नवल धनगर ,जोगीलाल उखरडू पारधी (बिनविरोध) हे उमेदवार विजयी झाले.यामुळे प्रवीणआबा यांच्या बळीराजा पॅनलचे सर्व उमेदवार तीन पट मतांनी विजयी झाले.
माजी जि.प. सदस्य एटी पाटील यांचे मार्गदर्शन लाभले, तर सुभाष देसले,गोकुळ माळी,जयवंत दादा पाटील,शिवाजी काशिनाथ माळी, अनिल माळी,पन्नालाल मावळे,शिवाजी पारधी (गटनेते ग्रा.प.)तसेच दहिवद खुर्द चे शिरीष पाटील, हिरालाल पाटील,विनोद पाटील यांनी ही अनोखी युती यशस्वी करुन दाखवली. तसेच दहिवद व दहिवद खुर्द गावातील राजकीय ,सामाजिक प्रतिनिधी व ग्रामस्थ यांनी प्रयत्न केले..
यापुढील जिल्हा परिषद आणि पंचायत समिती निवडणुकीत प्रवीणआबा माळी यांच्या नेतृत्वालाच सर्व प्रकारची मदत करणार आहे, हीच गावातील जनतेची इच्छा असल्याचं समोर येत आहे.
तर गाव करी ते राव काय करी असं म्हणतात, म्हणून गावा तील लोकांच्या मताप्रमाणे प्रवीणआबा पुढील गाव विकासाचे नेतृत्व करतील आणि सर्वांची साथ असेल असे दिनेशजी पाटील यांनी म्हटले आहे.
