<
जळगाव:(अनुप पानपाटील) – आज आषाढी एकादशी निमित्ताने जळगाव येथील सावखेडा शिवारात असलेल्या मातोश्री ‘वृद्धाश्रम’ या ठिकाणी सामाजिक कार्यकर्ते श्री. सुहास चंद्रविलास पाटील व सामाजिक कार्यकर्त्या सौ.मयुरी सुहास पाटील यांनी आपल्या मुलाला सामाजिक कार्याचे बाळकडू मिळावे तसेच, वृद्धाश्रमात असलेल्या असंख्य निराधार आजी आजोबांना आषाढी एकादशीला बाल विठोबा चे दर्शन व्हावे या हेतूने आपल्या तीन वर्षांच्या किंशु याला पांडुरंगाच्या वेशभूषेत मातोश्री वृद्धाश्रमात नेऊन वृद्धाश्रमातील आजी आजोबांना भेट दिली आहे. बाल विठोबाला बघून वृद्धाश्रमातील आजी आजोबांना फार आनंद झाला होता. सर्वांनी बाल विठोबा किंशु सोबत गप्पा मारत आपला आनंद व्यक्त केला. मात्र किंशु ला निरोप देताना त्यांची अश्रू अनावर झाल्याचे दिसून आले.
