<
जळगाव – (प्रतिनिधी)
दोन जणांनी एका तरुणाला रस्त्यात अडवून शिवीगाळ व मारहाण करत त्याच्याकडील रोकड लांबविल्याची घटना गेंदालाल मिल परिसरात घडली आहे.
याबाबत सविस्तर माहिती अशी की, अल्ताफ शेख सलीम (वय २८, रा. सुरेशदादा जैन नगर, गेंदालाल मिल, जळगाव) कुटुंबियांसह वास्तव्यास असलेला हा तरुण मोलमजुरी करून त्याच्या कुटुंबाचा उदरनिर्वाह करतो. मंगळवारी (२ ऑगस्ट) रोजी सकाळी साडेपाच वाजेच्या सुमारास अल्ताफ हा गेंदालाल मिल परिसरातील सिटी कॉलनी जवळून पायी जात असताना रस्त्यावर त्याला मुसेफ शेख व रईस पठाण (दोघे रा. गेंदालाल मिल) यांनी अल्ताफचा रस्ता अडवत त्यास विनाकारण शिवीगाळ व मारहाण केली तसेच बळजबरीने त्याच्या खिशातील १२०० रुपयांची रोख रक्कमही लंपास केली आणि पसार झाले.
दरम्यान, याप्रकरणी अल्ताफ याच्या फिर्यादीवरून, रात्री ११ वाजता शहर पोलीस ठाण्यात संशयित आरोपी मुसेफ शेख आणि रईस पठाण यांच्याविरोधात गुन्हा दाखल करण्यात आला असून, पुढील तपास पो.हे.कॉ. भास्कर ठाकरे करीत आहेत.
