काव्यसादरीकरणात जान्हवी शेंडे प्रथम

जळगाव-(प्रतिनिधी)- विवेकानंद प्रतिष्ठान संचालित, काशिनाथ पलोड पब्लिक स्कूलमध्ये सुरू असलेल्या हिंदी सप्ताहानिमित्त विविध स्पर्धा व उपक्रम सुरू आहेत. आज संपन्न झालेल्या काव्य सादरीकरण स्पर्धेत इयत्ता 6 वी ‘बोस’ मधील जान्हवी ज्ञानेश्वर शेंडे ह्या विद्यार्थींनीने चांद्रयानावर उत्कृष्ट काव्य सादर करून सर्वांची मने जिंकून घेतली. ‘ए चॉंद, अपना रिश्ता तो पुराना है, एक दिन, जरूर सपना पुरा होगा, चॉंद अपना होगा’ ही कविता जान्हवीने सादर केली. तिला प्रथम क्रमाकाचे पारितोषिक देऊन गौरविण्यात आले. सादर केलेल्या कवितेतून अपयशानंतर सुद्धा भारताने उमेद कायम ठेवून यश प्राप्त केले आहेच हा संदेश दिला. जान्हवीचे शाळेचे प्राचार्य अमितसिंग भाटीया यांच्यासह अतुल मनोहर, वंदना चौधरी यांच्यासह आई- वडिलांनी अभिनंदन केले आहे.