<
जळगाव – भारतीय स्वातंत्र्याच्या 75 व्या वर्धापन दिनानिमित्त राष्ट्रवादी काँग्रेस पार्टी महाराष्ट्र प्रदेश मार्फत देण्यात आलेल्या निर्देशानुसार राष्ट्रवादी काँग्रेस पार्टी जळगाव महानगर च्या वतीने मोटार सायकल मशाल रॅली काढण्यात आली . जळगाव जिल्हा मध्यवर्ती सहकारी बँकेचे चेअरमन गुलाबरावजी देवकर यांच्या हस्ते हिरवा झेंडा दाखवून आकाशवाणी चौकातील राष्ट्रवादी काँग्रेस पार्टी जिल्हा कार्यालयापासुन सुरुवात करण्यात आली.
तद्नंतर रॅली रिंग रोड मार्गे कोर्ट चौक , नेहरू चौक , रेल्वे स्टेशन , टॉवर चौक , महात्मा गांधी मार्केट , सुभाष चौक , चित्रा चौक , कोर्ट चौक या मार्गाने निघुन महात्मा गांधी उद्यान येथे महात्मा गांधी यांच्या पुतळ्यास पुष्पहार अर्पण करून व पुष्पवष्टी करून रॅलीचा समारोप करण्यात आला . रॅली मार्गादरम्यान येणाऱ्या महाराणा प्रताप , बहिणाबाई चौधरी , पंडित जवाहरलाल नेहरू , डॉ. बाबासाहेब आंबेडकर , सुभाषचंद्र बोस , महात्मा फुले , छत्रपती शिवाजी महाराज या सर्व राष्ट्रपुरुषांच्या पुतळ्यांना देखील पुष्पहार अर्पण करून त्यांच्यावर देखील पुष्पवृष्टी करण्यात आली . सदर रॅलीत सुमारे 200 हुन अधिक मोटारसायकल असुन कार्यकर्त्यांच्या हातात मशाल व राष्ट्रध्वज होते . कार्यकर्त्यांनी मोठ्या प्रमाणावर भारत माता की जय , वंदे मातरम् व राष्ट्रपुरुषांच्या नावाने घोषणा देत आसमंत दणाणून सोडले.
अतिशय उत्साहपूर्ण वातावरणात भारतीय स्वातंत्र्याचा अमृत महोत्सव साजरा करण्यात आला . सदर रॅलीत महानगर अध्यक्ष अशोकभाऊ लाडवंजारी , प्रदेश सरचिटणीस नामदेवराव चौधरी , प्रदेश चिटणीस एजाज भाई मलिक , माजी नगरसेवक राजू मोरे , युवक अध्यक्ष रिंकू चौधरी , डॉ. रिजवान खाटीक , मजहर पठाण , रमेश बहारे , इब्राहिम तडवी सर , सुशील शिंदे , किरण राजपूत , रहीम तडवी , संजय जाधव , हितेश जावळे , राहुल टोके , अनिल पवार , किरण चव्हाण , शालिनीताई बनसोडे व महिला आघाडीसह शेकडो कार्यकर्ते सहभागी झालेत .
