<
जळगाव, (प्रतिनिधी)- जळगाव शहर पुन्हा हादरलं असून मध्यरात्री एका वाळू व्यावसायिक असलेल्या तरुणाचा मध्यरात्री खून झाल्याची धक्कादायक घटना मंगळवारी रात्री १ वाजेच्या सुमारास घडली असून खून झालेल्या तरुणाचे नावं भावेश उत्तम पाटील (वय २८, मुळ रा. आव्हाणे, जळगाव)असे आहे.
शहरातील निवृत्ती नगरात भोसकून या तरुणाचा खून झाल्याची घटना घडली. खून कोणी केला व त्यामागील कारण अद्याप स्पष्ट झालेले नाही. शहरातील निवृत्ती नगरात राहणारा भावेश हा वाळू व्यवसायिक असल्याची माहिती आहे.त्याचे वडील आव्हाणे गावात राहतात तर भाऊ कपील हा सुरत येथे वास्तव्यास आहे. पत्नी व मुलीसह तो निवृत्ती नगरात राहत होता. दोन दिवसांपूर्वीच शहरात खुनाची घटना घडली असतांना जळगाव शहरात पुन्हा खुनाची घटना घडली आहे.
