जळगाव – (प्रतिनिधी) – ए.टी.झांबरे माध्यमिक विद्यालय जळगाव येथे शिक्षक दिनानिमित्त शिक्षणाच्या विविध क्षेत्रात शिक्षक प्राध्यापक म्हणून कार्यरत असलेल्या माजी विद्यार्थ्यांचा सत्कार करण्यात आला.यात प्रा.नयना बोरसे, प्रमोद इसे, प्रा.गुंजन पाटील , दुर्वास पाटील, विवेक मोरे यांचा पालक शिक्षक संघाच्या वतीने सत्कार करण्यात आला.याप्रसंगी माजी विद्यार्थ्यांनी शाळा व शिक्षकांप्रती आपल्या भावना व्यक्त केल्या तसेच इयत्ता दहावीच्या विद्यार्थ्यांनी शिक्षकांची भूमिका साकारत शालेय कामकाज पार पाडले व शिक्षकांचे कर्तव्य जबाबदारी यांची माहिती करून घेतली. व भविष्यात शिक्षक होण्याचा निर्धार केला.त्याचप्रमाणे
. पालक शिक्षक संघातर्फे आयोजित विविध स्पर्धांचे बक्षिस वितरण करण्यात आले आणि शिक्षकांचा सन्मान करण्यात आला. शिक्षका़च्या वतीने व्ही.एस.गडदे यांनी मनोगत व्यक्त केले.याप्रसंगी व्यासपीठावर पालक शिक्षक संघाच्या अध्यक्ष व मुख्याध्यापिका मा.श्रीमती.प्रणिता झांबरे व उपाध्यक्ष सौ.पुनम काळुंखे शाळेचे पर्यवेक्षक मा.श्री. नरेंद्र पालवे,पालक शिक्षक संघाच्या कार्यकारणी सदस्य उपस्थित होते.
कार्यक्रमाचे सूत्रसंचालन सी.बी.कोळी यांनी तर आभार श्री. एकनाथ पाचपांडे सर यांनी मानले
कार्यक्रमाच्या यशस्वीतेसाठी शाळेतील शिक्षक ,शिक्षकेत्तर कर्मचारी ,विद्यार्थ्यांनी परिश्रम घेतले.
