<
भडगांव – (प्रतिनिधी) – तालुक्यातील एका गावातील १६ वर्षीय अल्पवयीन मुलीची छेड काढल्या प्रकरणी पिंप्रीहाट येथील एका तरुणावर भडगांव पोलिस स्टेशनला छेड काढल्या प्रकरणी पोस्को कायदया अंतर्गत गुन्हा दाखल करण्यात आला आहे.
याबाबत सविस्तर वृत्त असे की तालुक्यातील एका गावातील १६ वर्षीय अल्पवयीन मुलगी आज दि. ६ रोजी तिच्या विद्यालयात गेली असता शाळा सुटल्या नतंर विद्यालयाचा जिना उतरत असतांना संशयित आरोपी उमेश नंदुलाल पाटील रा.पिप्रीहाट ता. भडगांव याने बळजबरीने तिचा हात धरून माझ्या सोबत चल असे बोलुन फिर्यादीच्या मनात लज्जा उत्पन्न होईल असे कृत्य करीत तसेच फिर्यादी ही तिच्या घरी जात असतांना तिच्या पाठिमागुन येऊन फिर्यादी हिने आरोपी कडे पहावे म्हणुन त्याने जोर जोरात शिट्टया वाजविल्या सदरची घटना फिर्यादीने तिच्या आजीला सांगितले असता तिची आजीने आरोपी यास जाब विचारण्यास गेली असता संशयित आरोपी उमेश नंदुलाल पाटील रा. पिप्रीहाट याने फिर्यादीच्या आजीस हि अश्लिल शिविगाळ केली म्हणुन फिर्यादी अल्पवयीन हिच्या फिर्यादीवरून संशयित आरोपी उमेश नंदुलाल पाटील रा. पिप्रीहाट ता.भडगांव याच्या विरोधात भडगांव पो.स्टे भादवी कलम ३५४,३५४(A),१,३५४(D),५०९, ५०४,सह बाल लैगिक अन्याय अत्याचार संहिता अधिनियम कलम ८,१२ प्रमाणे गुन्हा दाखल करण्यात आला आहे.
याबाबत पुढील तपास पोलिस निरिक्षक अशोक उतेकर यांच्या मार्गदर्शना खाली सहाय्यक पोलिस निरिक्षक चंद्रसेन पालकर हे करीत आहे.
