कृषी विज्ञान केंद्र जळगाव येथे माहिती अधिकार चर्चासत्र संपन्न

जळगाव – (प्रतिनिधी) – महात्मा फुले कृषी विद्यापीठ अंतर्गत जळगाव येथे स्थापन कृषी विज्ञान केंद्र ममुराबाद , तेलबिया संशोधन केंद्र व कृषी तंत्र विद्यालय येथील अधिकारी व कर्मचाऱ्यांकरिता माहिती अधिकार अधिनियम 2005 ची सुयोग्यरीतीने अंमलबजावणी करण्यासाठी विशेष प्रयत्न म्हणून एक दिवसीय कार्यशाळेचे आयोजन करण्यात आले होते. महात्मा फुले यांच्या प्रतिमेचे पुजन करून कार्यक्रमास प्रारंभ करण्यात आला , कार्यशासाठी प्रमुख मार्गदर्शक माहिती अधिकार कार्यकर्ता महासंघाचे जिल्हा उपाध्यक्ष अमोल कोल्हे व पाचोरा तालुका अध्यक्ष पंकज पाटिल यांचा पुष्पगुच्छ व शाल देऊन सत्कार करण्यात आला . याप्रसंगी व्यासपीठावर कृषी विज्ञान केंद्र जळगावचे कार्यक्रम समन्वयक डॉ. हेमंत बाहेती , कृषी तंत्र विद्यालयाचे कनिष्ठ संशोधन सहाय्यक डॉ. योगेश पाटिल , तेलबिया संशोधन केंद्राचे वरिष्ठ संशोधन सहाय्यक डॉ. के. टी. सूर्यवंशी , माहिती अधिकार कार्यकर्ता महासंघाचे जिल्हा उपाध्यक्ष अमोल कोल्हे , पाचोरा तालुकाध्यक्ष पंकज पाटिल यांची उपस्थिती होती . कार्यक्रमाच्या प्रास्ताविक मांडतांना डॉ. हेमंत बाहेती म्हणाले की , अशा प्रकारच्या कार्यशाळा आयोजित केल्यास माहिती अधिकाराचा योग्य उपयोग करत नागरिक व अधिकारी यांच्यात समन्वय साधला जाईल व शासकीय कर्मचाऱ्यांमध्ये या कायद्याविषयी जनजागृती होऊन भिती कमी होईल.

तसेच कृषी विज्ञान केंद्र जळगाव हि तदर्थ योजना असतांना देखील क्षेत्रीय कार्यालय म्हणुन विद्यापीठ प्रशासनामार्फत स्वतंत्र जनमाहिती अधिकारी व प्रथम अपिलीय अधिकारी यांना पदनिर्देशित करण्याकरीत श्री. अमोल कोल्हे यांचे महत्वपूर्ण योगदान असल्याने डॉ. बाहेती यांनी कोल्हे यांचे विशेष आभार मानले . सार्वजनिक प्राधिकरण व त्याच्या जबाबदाऱ्या , माहितीचा अधिकार अधिनियम 2005 शासन आदेश परिपत्रके आणि महत्वपूर्ण न्याय निर्णय याविषयी अमोल कोल्हे यांनी सविस्तर माहिती सांगितली . तसेच सर्व शासकीय कार्यालयांनी माहिती अधिकार अधिनियमातील तरतुदींचे तंतोतंत पालन केल्यास व एक अर्जदाराने विचारलेली माहिती कार्यालयात जाहिर केल्यास शासकीय कार्यालयांमध्ये येणाऱ्या अर्जांची संख्या खुप कमी होईल तसेच या कायद्याविषयी नागरिकांमध्ये जनजागृती करणे हि शासकीय कर्मचाऱ्यांची जबाबदारी आहे , त्यामुळे नागरीकांशी सौजन्याने वागल्यास अधिकाऱ्यांना शासकीय योजना अधिक कार्यक्षमतेने योग्य लाभार्थ्यांपर्यंत पोहोचविण्याकरिता सर्वसामान्य नागरिकांची मदत घेता येईल असे प्रतिपादन अमोल कोल्हे यांनी केले . कार्यशाळे करिता उपस्थित जन माहिती अधिकारी यांना माहिती पुस्तिकेचे वितरण देखील अमोल कोल्हे यांच्या हस्ते करण्यात आले . श्री पंकज पाटील यांनी माहिती अधिकार कायद्याची ऐतिहासिक पार्श्वभूमी आणि महत्त्वाच्या संकल्पना त्या अंतर्गत नियम व जन माहिती अधिकारी यांची कार्यपद्धती व अधिकारी , कर्मचारी तसेच सुज्ञ नागरी नागरिक यांच्या समन्वय साधून शासकीय कार्यालयाचे काम अधिकाधिक लोकाभिमुख कसे करता येईल याविषयी आणि माहिती अधिकार अधिनियमातील विविध कलमांविषयी मार्गदर्शन केले . तद्नंतर अधिकारी व कर्मचाऱ्यांच्या शंकांचे समाधान देखील अनिल कोल्हे व पंकज पाटिल यांनी चर्चा सत्रात केले .

सदर कार्यशाळे करिता कृषी विज्ञान केंद्राचे सहाय्यक माहिती अधिकारी संदीप गायकवाड , जन माहिती अधिकारी किरण जाधव , कृषी तंत्र विद्यालय चे सहाय्यक जन माहिती अधिकारी गावंडे सर , तेलबिया संशोधन केंद्राचे सहाय्यक माहिती अधिकारी टिकार सर तसेच या तिन्ही केंद्राचे अधिकारी व कर्मचारी यांनी या कार्यक्रमात सहभागी होऊन शंका समाधान करून घेतले. या कार्यशाळेचे प्रास्ताविक डॉ. हेमंत बाहेती यांनी केले. सूत्रसंचालन श्री. किरण मांडवडे तसेच आभार प्रदर्शन श्री. वैभव सूर्यवंशी यांनी मानले . राष्ट्रगीताने कार्यक्रमाची सांगता करण्यात आली .