<
जळगाव दि.21- के. सी. ई च्या पी. जी. महाविद्यालयात शिक्षक प्रशिक्षण कार्यशाळा नुकतीच पार पडली.प्रशिक्षण कार्यक्रमाचे उद्घाटन मु. जे महाविद्यालयाचे प्राचार्य डॉ.एस. एन. भारंबे यांच्या हस्ते करण्यात आले . यावेळी मंचावर कार्यक्रमाचे अध्यक्ष प्राचार्य डॉ. व्ही. एस . झोपे, आयक्युएसई समन्वयक प्रा. संदीप पाटील हे उपस्थितीत होते.
कार्यशाळेचे आयोजन अंतर्गत गुणवत्ता हमी सेल (IQAC) द्वारे करण्यात आले होते. कार्यक्रम समन्वयक प्रा. संदीप पाटील यांनी प्रास्ताविक केले. डॉ.एस. एन. भारंबे यांनी आपल्या बीजभाषणातून संस्थेची व महाविद्यालयाची धोरणे आणि कार्यपद्धती या संबंधी माहिती दिली तर प्रा. केतन नारखेडे यांनी कर्मचार्यांरना महाविद्यालयाच्या नॅक मूल्यांकनातील प्राध्यापकांचा सहभाग याबद्दल माहिती दिली.एक दिवसांच्या प्रशिक्षण कार्यक्रमात कार्यालयीन कार्यपद्धतींशी संबंधित विविध समस्यांवर वक्त्यांसोबत संवादात्मक सत्रांचा समावेश करण्यात आला. कार्यक्रमाचे सूत्रसंचालन प्रा. रूपाली चौधरी यांनी केले. महाविद्यालयाच्या सर्व प्राद्यापकांनी सक्रिय सहभाग घेतला. कार्यक्रम यशस्वीतेसाठी शिक्षक व शिक्षकेत्तर कर्मचारी यांनी परिश्रम घेतले.
