<
जळगांव-(प्रतिनीधी) – विद्यावर्धिनी शिक्षण संस्थेच्या संस्थाध्यक्ष श्रीमती मंगलाताई दुनाखे यांच्या वाढदिवसानिमित्त आज दिनांक 23/9/2019 सोमवार रोजी नाटक स्पर्धेचे आयोजन करण्यात आले होते.
प्रगती विद्या मंदिर व प्रगती माध्यमिक शाळा च्या माध्यमातून श्रीमती मंगलाताई दुनाखे यांच्या वाढदिवसाचे औचित्य साधून नाटक स्पर्धा आयोजित करीत असतात. विद्यार्थ्यांच्या कलागुणांना वाव देणे व विद्यार्थ्यांतील सुप्त गुण ओळखणे व विद्यार्थ्यांना प्रेरणा देणे हा हेतू व उद्देश संस्थेचा व शाळेचा आहे या नाटक स्पर्धेला शिक्षक व विद्यार्थी हिरिरीने भाग घेत असतात व स्पर्धेचे विषय निवड करीत असतात.
सदरील नाटकाच्या कार्यक्रमाचे अध्यक्ष सौ. मनीषा पाटील या होत्या. तर प्रमुख पाहुण्या म्हणून सौ. शोभा फेगडे , सौ ज्योती कुलकर्णी या होत्या.
आजच्या नाटकाच्या स्पर्धेला समीक्षक पदी श्री गिरीश जाधव सर, सौ मनीषा पाटील, सौ शोभा फेगडे, ज्योती कुलकर्णी यांनी कामकाज पाहिले.
विद्या वर्धिनी शिक्षण संस्थेचे चेअरमन श्री प्रेमचंद ओसवाल, संस्थेच्या अध्यक्ष श्रीमती मंगलाताई दुनाखे, संस्थेचे सचिव सचिन दुनाखे यांनी नाटक स्पर्धेला सदिच्छा व शुभेच्छा दिल्या. व सहभागी विद्यार्थ्यांचे प्रशंसा करून कौतुक व अभिनंदन केले.
या सांस्कृतिक कार्यक्रमाचे सूत्रसंचालन सौ. भाग्यश्री तळेले यांनी केले तर आभार प्रदर्शन सौ सुवर्णा पाटील यांनी केले.
