जळगांव:- केसीईचे शिक्षणशास्त्र व शारीरिक शिक्षणशास्त्र महाविद्यालय जळगावचा विद्यार्थी आकाश धनगर दि 15 नोव्हेंबर ते 19 नोव्हेंबर 2022 पश्चिम विभागीय अखिल भारतीय आंतरविद्यपीठ बुद्धिबळ स्पर्धा इंदिरा गांधी नॅशनल ट्रायबल विद्यपीठ, अमर कंटक,मध्यप्रदेश येथे होणाऱ्या स्पर्धे साठी कवियत्री बहिणाबाई चौधरी उत्तर महाराष्ट्र विद्यापीठ संघात निवड करण्यात आली आहे.आकाश धनगर आंतरराष्ट्रीय मानांकन बुद्धीबळ खेळाडू,बुद्धीबळ प्रशिक्षक,राष्ट्रीय पंच देखील आहे. सलग 4 वर्षे कबचौ उमवि विद्यापीठ संघाचा कर्णधार म्हणून जबाबदारी पार पाडत आहे. बुद्धीबळ स्पर्धेत उत्कृष्ट खेळाचे प्रदर्शन करीत बुद्धीबळ नावलौकिक प्राप्त केलं आहे.
आकाश धनगर याचा महाविद्यालयाच्या वतीने सत्कार करण्यात आला. याप्रसंगी प्राचार्य डॉ.अशोक राणे, उपप्राचार्य डॉ.केतन चौधरी, विभागप्रमुख प्रा.निलेश जोशी, प्रा.प्रविण कोल्हे, प्रा.अतुल गोरडे,प्रा.पंकज पाटील तसेच सर्व शिक्षक-शिक्षकेतर कर्मचारी उपस्थित होते.
