<
जळगांव(प्रतिनिधी)- विद्यावर्धिनी शिक्षण संस्था संचलित प्रगती बालवाडी शाळेत नाटक स्पर्धा घेण्यात आली. यात बालवाडी,शिशुवाडीतील व अंगणवाडीच्या चिमुकल्यांनी भाग घेतला. खणखणीत व जोशपूर्ण आवाजात चिमुकल्यानी नाटकाचे सादरीकरण करून वाह्ह वा मिळविली. या स्पर्धेसाठी परीक्षक प्रगती विद्यालयाचे मुख्याध्यापक शोभा फेगडे, मनीषा पाटील, ज्योती कुलकर्णी, लिपिक संध्या कोळपकर हे होते. मुख्याध्यापिका ज्योती कुलकर्णी यांच्या मार्गदर्शनाखाली स्पर्धा व्यवस्थित पार पडली.संस्थेचे चेअरमन प्रेमचंदजी ओसवाल व अध्यक्षा मंगलाताई दुनाखे यांनी विद्यार्थ्यांचे कौतुक केले व त्यांना मार्गदर्शन केले. यशस्वी गटांची नावे प्रथम क्र. बालवाडी नाटकाचे नाव चिऊ ताई दर उघड, द्वितीय क्र. शिशुवाडी नाटकाचे नाव टोपीवाला व माकडे, उत्तेजनार्थ अंगणवाडी नाटकाचे नाव लालची दूधवाला. या प्रसंगी रजनी चौधरी, अश्विनी सोले, वैशाली चौधरी, धनश्री कुलकर्णी, दीप्ती मोडक, चंचल वाणी, सुनिता पाटील इ शिक्षक व शिक्षकेतर कर्मचारी उपस्थित होते.
