जळगाव – (प्रतिनिधी) – येथील लोकसेवक मधुकरराव चौधरी समाजकार्य महाविद्यालय जळगाव येथील बी. एस. डब्ल्यु. प्रथम वर्षातील विद्यार्थी अनिकेत सुनील पाटील याची ‘तलवारबाजी’ या स्पर्धेसाठी कवयित्री बहिणाबाई चौधरी उत्तर महाराष्ट्र विद्यापीठाच्या संघात निवड झालेली आहे.
अखिल भारतीय आंतर विद्यापीठ तलवारबाजी स्पर्धा दिनांक 20 डिसेंबर 2022 ते 23 डिसेंबर 2022 या कालावधीत ‘जम्मू विद्यापीठ, जम्मू’ येथे होणार आहे.
तलवारबाजीच्या ‘FOIL’ या प्रकारात अनिकेत खेळणार आहे.
अनिकेतच्या यशाबाबत व क्रीडा विभाग प्रमुख डॉ. योगेश महाजन यांचे संस्थेचे अध्यक्ष मा. आमदार शिरिषदादा चौधरी, उपाध्यक्ष मा सुनील पाटील, सचिव मा. प्राचार्य डॉ. पी. आर चौधरी, संचालक डॉ. विनय पाटील, मा. चंदन अत्तरदे महाविद्यालयाचे प्राचार्य डॉ. राकेश चौधरी यांनी अभिनंदन केले व भविष्यात होणाऱ्या स्पर्धांसाठी मनस्वी शुभेच्छा दिल्यात. अनिकेत ला शिरीष मधुकरराव चौधरी महाविद्यालयाचे क्रीडा विभाग प्रमुख डॉ. पी. आर. चौधरी (नाना) यांचे मोलाचे सहकार्य लाभले.
