समाज चिंतामणी प्रतिष्ठानतर्फे गरीब व गरजूंना कपडे वाटप

लेखक डी. बी.महाजन यांनी केले संस्थेच्या उपक्रमाचे कौतुक

जळगाव-(प्रतिनिधी) – “वसुधैव कुटुंबकम” ब्रीदवाक्य असलेल्या “समाज चिंतामणी प्रतिष्ठान” या सामाजिक संस्थेतर्फे नुकतेच गरीब व गरजू लोकांना त्यांच्या वस्तीवर जाऊन कपडे वाटप करण्यात आले. तसेच लहान मुलांना खाऊचेही वाटप करण्यात आले .त्यामुळे लहान मुलांच्या चेहऱ्यावर याप्रसंगी आनंद दिसत होता.

गेल्या नऊ वर्षांपासून सुरू असलेल्या या सामाजिक उपक्रमाला ज्येष्ठ समाजसेविका सिंधुताई सपकाळ यांचे मानसपूत्र तथा ज्येठ लेखक डी. बी. महाजन, कवी गोविंद पाटील, समाज चिंतामणी प्रतिष्ठानचे अध्यक्ष आर.डी.कोळी, करण इंगोले, राम जाधव ,आकाश साळुंखे आदि उपस्थित होते. संस्थेतर्फे निस्वार्थपणे राबवण्यात येत असलेल्या या उपक्रमाचे याप्रसंगी लेखक डी. बी. महाजन यांनी कौतुक केले.
कार्यक्रम यशस्वी करण्यासाठी संस्थेच्या सचिव शालिनी सैंदाणे,रेखा म्हात्रे, रोहिणी खानेकर यांनी परिश्रम घेतले.