माझ्यासोबत लग्न कर म्हणत तृतीयपंथीयाने प्रपोज केलं, नकार मिळताच तरुणासोबत केलं भयंकर

Hingoli Crime News: हिंगोली शहरात एक भयानक घटना घडली आहे. लग्नाला नकार दिल्याने एका युवकाचा गळा आवळून खून केल्याचा प्रकार समोर आला आहे.
हिंगोलीः हिंगोली शहरातील खुशाल नगर भागामध्ये राहणाऱ्या एका ऑटो चालकाला तृतीयपंथीने लग्नाची मागणी घातली. मात्र, चालकाने त्यास नकार दिला. याचा राग मनात ठेवून तरुणाचा गळा आवळून खून केल्याची घटना घडली आहे. या प्रकरणी त्याच्यावर गुन्हा दाखल झाला असून पोलिस अधिक तपास करत आहेत.याबाबत मिळालेली माहिती अशी की, हिंगोली तालुक्यातील नवलगव्हाण येथील अशोक गजानन आठवले हे मागील काही वर्षांपूर्वी खुशाल नगर भागात राहण्याकरता आले होते. ते मागील काही वर्षापासून ऑटो चालवत असताना या भागात राहणाऱ्या प्रिया नरसिंग तुरमळू या तृतीयपंथीसोबत ओळख झाली होती. ओळखीमुळे अशोक हा त्यांच्याकडेच राहत होता. ३० मार्च रोजी अशोककडे माझ्यासोबत लग्न कर असे म्हणत हट्ट धरला असता त्याने लग्नाकरता नकार दिल्याने प्रिया उर्फ दीपक याने शेख जावेद यांच्यासोबत संगनमत करून अशोकचा गळा आवळून खून केला.त्यानंतर अशोकने गळफास घेतल्याचा बनाव करून त्याला उपचाराकरीता हिंगोलीला शासकीय रुग्णालयात दाखल केले. परंतु डॉक्टरांनी तपासून त्याचा खून झाल्याचे जाहीर केले. सदर प्रकरणात खुनाचा गुन्हा दाखल करावा या मागणीसाठी नातेवाईकांनी हिंगोली शहर पोलीस ठाण्यात ठिय्या मांडला होता.सदर प्रकरणात देविदास आठवले यांनी दिलेल्या फिर्यादीवरून प्रिया उर्फ दीपक तुरुमळू राहणार उमरी जिल्हा नांदेड हल्ली मुक्काम खुशाल नगर हिंगोली, शेख जावेद शेख ताहेर कुरेशी राहणार हरण चौक हिंगोली या दोघांवर हत्याचा गुन्हा दाखल करण्यात आला. या प्रकरणाचा पुढील तपास सहाय्यक पोलीस निरीक्षक सुनील गिरी हे करीत आहेत. पुण्यातील प्रिया तुरमळू यास पोलिसांनी अटक करून न्यायालयात हजर केले असता पोलिसांनी त्यांना न्यायालयीन कोठडी सुनावली.
धनुष्यबाण गेलं पण ब्रम्हास्त्र माझ्यासोबत; रामटेकमधील शिवसैनिकांसमोर उद्धव ठाकरेंचा एल्गार.