कधी कोणाला कशाचा राग येईल काही सांगता येत नाही; चक्क दाताने चावला कान….

दिल्ली- क्षणिक रागातून अनेक धक्कादायक घटना घडल्याचं समोर आलं आहे. अशीच एक घटना सध्या समोर आली आहे जी ऐकून तुम्हालाही धक्का बसेल.एका ग्राहक आणि दुकानदारामध्ये झालेल्या वादात दुकानदाराने संतापून ग्राहकाचा कानच चावला. हे प्रकरण नेमकं काय आहे याविषयी जाणून घेऊया.

संतप्त झालेल्या दुकानदाराने ग्राहकाचा कान दाताने कापल्याची ही घटना उत्तर प्रदेशात घडल्याचं समोर आलं आहे. संपूर्ण घटना पिलीभीत जिल्ह्यातील बिलसांडा पोलीस स्टेशन परिसरातील आहे.येथे राहणारा उमाकांत 25 एप्रिल रोजी महेश कार्ट नावाच्या दुकानदाराकडे काकडी घेण्यासाठी आला होता. दरम्यान, उमाकांतने घंटागाडी विक्रेत्याकडून काकडी खरेदी करून नंतर पैसे देतो सांगितले. मात्र दुकानदाराने कर्ज देण्यास ठाम नकार दिला. यामध्ये हे प्रकरण पुढे गेले.दुकानदाराने महेशला काकडी देण्यास नकार दिल्याने भांडण वाढले.

महेश उमाकांतच्या मागे लागला आणि त्याच्याशी भांडण करू लागला. यानंतर महेशने उमाकांतचा कान दाताने चावला उमाकांतची अनेक फोटोही समोर आले आहेत, ज्यामध्ये त्याचा कान चावला गेल्याचे दिसत आहे. या संपूर्ण प्रकरणाची तक्रार दाखल करण्यात आली आहे.पीडित उमाकांतची पत्नी सोनी देवी यांनी गुन्हा दाखल केला आहे. यानंतर पोलिसांनी गुन्हा दाखल करून आरोपी महेशला अटक केल्याचे सांगण्यात येत आहे.

सध्या या प्रकरणाचा तपास सुरू आहे. दुसरीकडे उमाकांत यांना रुग्णालयात दाखल करण्यात आले, त्यांच्यावर उपचार सुरू करण्यात आले आहेत. दरम्यान, अनेक वेळा दुकानदार आणि ग्राहक यांच्यात भांडणे होतच राहतात. मात्र एवढं भयंकर प्रकरण पहिल्यांदाच समोर आलंय. या घटनेमुळे एकच खळबळ उडाली असून प्रकरण चर्चेत आलंय.