इम्पिरियल इंटरनँशनल स्कूल मध्ये “आषाढी एकादशी उत्साहात साजरी

जळगाव-(प्रतिनिधी) – येथे दि.28 जून, 2023 रोजी, इम्पिरियल इंटरनॅशनल स्कूल मध्ये ‘ आषाढी एकादशी उत्साहात साजरी करण्यात आली. प्रसंगी शाळेचे अध्यक्ष नरेश चौधरी , प्राचार्य परवीन खान, समन्वयक जी. डी. पाटील आणि शाळेतील सर्व शिक्षक, शिक्षिका यांच्या उपस्थितीत उत्साहात साजरी करण्यात आली.

कार्यक्रमाची सुरूवात मान्यवरांच्या हस्ते विठ्ठल रूखमाई पूजन करून झाली.हया प्रसंगी शिक्षक व विद्यार्थानी ‘चंद्रभागेच्या तिरी’ हे गीत सादर करून वातावरण भक्तिमय केले . इ.4 थी ची विद्यार्थीनी रिधीमा पाटील हिने आषाढी एकादशीचे महत्व सांगितले. विद्यार्थ्यांना विठ्ठल -रूखमाई,निवृत्ती, ज्ञानदेव, मुक्ताई ,सोपान यांच्या रूपात पाहून वातावरणातील उत्साह वाढला . शिक्षकांनी विठ्ठल अभंगांचा नाद करून वातावरणात जल्लोष भरला. शाळेचे अध्यक्ष नरेश चौधरी यांनी विठ्ठल रुक्माई व पालखी ची आरती केली. जय जय राम कृष्ण हरी, या जयघोषाने आणि वारकऱ्यांचा गजराने शाळेच्या पटांगणात दिंडी काढण्यात येऊन
विठ्ठलाच्या गजराने कार्यक्रमाची सांगता झाली.