इम्पिरियल इंटरनॅशनल स्कूल येथे “गुरुपौर्णिमा” उत्साहात साजरी

पाळधी (जळगाव) आज दि. 3 जुलै रोजी इंपिरियल इंटरनॅशनल स्कूल येथे “गुरुपौर्णिमा” या कार्यक्रमाचे आयोजन करण्यात आले होते. कार्यक्रमाच्या सुरुवातीला मान्यवरांनी महर्षी व्यासांच्या व सरस्वती मातेच्या प्रतिमेचे पूजन करून माल्या अर्पण केले. या प्रसंगी शाळेचे अध्यक्ष नरेश चौधरी ,प्राचार्य परवीन खान, जी. डी. पाटील व सौ. विद्या पाटील उपस्थित होते. शाळेचे अध्यक्ष नरेश चौधरी यांनी ” गुरु म्हणजे ज्ञानाचा उगम व सतत वाहणारा झरा आहे” हे सांगून गुरु – शिष्याचे महत्व विद्यार्थ्यांना सांगितले. शाळेच्या प्राचार्य यांनी विद्यार्थ्यांना गुरुपौर्णिमेचे महत्त्व सांगितले. विद्यार्थ्यांनी देखील आपल्या गुरु विषयी असणारा आदर आपल्या विचारातून मांडला.