गो.पु.पाटील कनिष्ठ महाविद्यालयातील दोघींना विभागस्तरीय बॉक्सींग स्पर्धेत उपविजेतेपद

भडगाव – (प्रतिनीधी) – येथुन जवळच असलेल्या क.ता.ह.रा.पा.कि.शि.संस्था, भडगाव, संचलीत गो.पु.पाटील विद्यालय व कनिष्ठ महाविद्यालयातील दोघींनी छत्रपती शिवाजी महाराज क्रीडा संकुल येथे पार पडलेल्या विभागस्तरीय बॉक्सींग स्पर्धेत १९ वर्षा आतील मुलींच्या गटात उपविजेतेपद प्राप्त केले आहे. त्यात प्राजक्ता जोशी (४५ ते ४८ कि.ग्रॕ.) व वैशाली कोळी(५१ ते ५४ कि.ग्रॕ.) यांनी अंतिम सामन्यांपर्यंत मजल मारीत प्रतिस्पर्ध्यांवर मात करीत यशस्वीपणे कामगिरी पार पाडत उपविजेतेपद प्राप्त केले आहे. खेळाडूंना क्रीडा शिक्षक बी.डी.साळुंखे, आर.एस. कुंभार,राष्ट्रीय खो-खो पंच प्रेमचंद चौधरी यांचे सातत्याने मार्गदर्शन लाभत आहे.
यशस्वी खेळाडूंच्या यशाबद्दल संस्थेचे चेअरमन प्रतापराव पाटील,माजी नगराध्यक्ष शामकांत भोसले,दुध फेडरेशनच्या संचालिका पुनमताई पाटील,मंत्रालयातील कक्ष अधिकारी प्रशांत पाटील,माध्यमिक पतपेढीचे संचालक जगदीश पाटील,डॉ.कमलेश भोसले, महाविद्यालयाचे प्राचार्य आर.एस.पाटील,प्रभारी प्राचार्य संतोष माळी,पर्यवेक्षक टी.एस.पाटील,अनिल पवार,आर.ए.पाटील,किशोर चौधरी,मनोज पवार, अरविंद देसले,चेतन भोसले,राहुल सोनवणे तसेच प्राध्यापक-प्राध्यापिका,शिक्षकेतर कर्मचाऱ्यांनी कौतुक करीत भावी वाटचालीसाठी शुभेच्छा दिल्या आहेत.