गोंडगावात संतप्त जमावाकडून आरोपीला ताब्यात द्या ! आम्ही शिक्षा देतो अशी मांगणी करीत जमावा कडून दगडफेक

भडगाव प्रतिनिधी :–
भडगाव – गोंडगाव येथील अल्पवयीन चिमुकलीवर अत्याचार करणा-या ताब्यातील नराधम आरोपी स्वप्नील उर्फ सोन्या विनोद पाटील या आरोपीला दुपारी पोलिसांच्या वाहनाने भडगाव पोलीस स्थानक येथे आणण्यात आले होते. येथून सायंकाळीं गोंडगाव येथे घटनास्थळी निरक्षण व अधिक सबळ पुरावे जमा करण्यासाठी पोलिसांचा ताफा निघाला होता. हा पथक गावात शिरताच ग्रामस्थानी आरोपीस आम्हाला द्या आम्हीं त्याला शिक्षा देतो अशी मागणी करीत जमावतून पोलीस वाहनावर अचानक दगड फेक करण्यात आली.

यात भडगाव पोलीस कर्मचारी पोलीस नाईक नितीन रावते, चाळीसगाव शहर वाहतूक शाखेचे दिपक पाटील, प्रकाश पाटील हे हात व पायाला दगड लागून जखमी झाले. नितीन रावते यांना उजव्या डोळ्याला जबर मार लागला असुन दवाखान्यात उपचार करण्यात आले. तर चाळीसगाव शहर पोलिसांची गाडी एम एच १९ ई ए ५९९७ दगडफेकीत जमावाने फोडली. यावेळी घटनास्थळी असंख्य ग्रामस्था जमा झाले होते. संतप्त जमावाला शांत करत पोलीसांनी आरोपीला सुरक्षित ठिकाणी रवाना केले.