विश्वरत्न डॉ. बाबासाहेब आंबेडकर यांच्या महापरिनिर्वाण दिनी समाजकार्य महाविद्यालयात अभिवादन कार्यक्रम संपन्न

जळगाव – दिनांक 6 डिसेंबर 2023
लोकसेवक मधुकरराव चौधरी समाजकार्य महाविद्यालय, जळगाव येथे विश्वरत्न डॉ बाबासाहेब आंबेडकर यांच्या महापरिनिर्वाण दिनानिमित्त अभिवादन कार्यक्रम संपन्न झाला. अभिवादन कार्यक्रमाचे प्रास्ताविक महाविद्यालयाचे वरिष्ठ प्रा. डॉ. शाम सोनवणे यांनी केले, त्यांनी आपल्या प्रास्ताविकेतून विश्वरत्न बाबासाहेब आंबेडकर यांच्या कार्याची माहिती उपस्थितांना करून दिली.

महाविद्यालयाचे प्राचार्य डॉ. राकेश चौधरी यांच्या हस्ते विश्वरत्न डॉ. बाबासाहेब आंबेडकर यांच्या प्रतिमेस माल्याअर्पण करण्यात आले. महाविद्यालयातील सेवक श्री विजयकुमार गायकवाड यांनी बाबासाहेब आंबेडकर आणि बौद्ध धर्माची महंती आपल्या शब्दातून विशद केली. प्राध्यापक, शिक्षकेतर कर्मचारी, आणि विद्यार्थी अभिवादन कार्यक्रमास उपस्थित होते. कार्यक्रमाचे संचालन प्रा डॉ शाम दामू सोनवणे यांनी केले. कार्यक्रमाच्या यशस्वीतेसाठी महाविद्यालयाचे प्राचार्य डॉ राकेश चौधरी यांच्या मार्गदर्शना नुसार महाविद्यालयातील राष्ट्रीय सेवा योजना विभाग, विद्यार्थी विकास विभाग यांनी विशेष प्रयत्न केले.