राष्ट्रमाता जिजाऊ व स्वामी विवेकानंद यांच्या जयंती निमित्त आरोग्य व औषधोपचार शिबिर संपन्न

धरणगाव-(प्रतिनिधी) – राष्ट्रमाता जिजाऊ व स्वामी विवेकानंद यांच्या जयंतीनिमित्त बांभोरी प्रचा येथे ग्रामपंचायत,समता फौंडेशन,मुंबई व आरोग्य उपकेंद्र यांच्या संयुक्त विद्यमाने कुपोषित बालक व अति जोखमीच्या गर्भवती माता यांची आरोग्य तपासणी व औषधोपचार शिबिराचे आयोजन करण्यात आले.

समता फौंडेशन,मुंबई व आरोग्य केंद्र तसेच बांभोरी प्र.चा.ग्रामपंचायत यांच्या संयुक्त विद्यमाने गावातील कुपोषित मुले,अति जोखमीच्या गर्भवती माता,महिला यांची आरोग्य तपासणी व औषधोपचार करण्यात आला.तसेच गावातील सामाजिक कार्य करणाऱ्या महिलांना सावित्रीबाई फुले,राष्ट्रमाता जिजाऊ,यांचे विचार महिलांनी आत्मसात करावे,गावातील गर्भवती माता व मुलांना सुदृढ आयुष्य मिळावे यासाठी बांभोरी प्रचा ग्रामपंचायत व उपकेंद्र तर्फे सर्व उपाययोजना करण्यात येतील तसेच गावात स्त्री-पुरुष समानता,लिंग भेद दूर करण्यासाठी विशेष उपक्रम राबविण्यात येतील व असे मत बांभोरी प्रचा चे सरपंच श्री.सचिन बिऱ्हाडे यांनी व्यक्त केले.त्याचप्रमाणे मुलांना व मातांना आरोग्य विषयक घ्यावयाच्या काळजी बाबत व महिलांना राष्ट्रमाता जिजाऊ,क्रांतीज्योती सावित्रीबाई फुले व डॉ.बाबासाहेब आंबेडकर यांनी महिलांना दिलेले संविधानिक अधिकार बद्दल आरोग्य अधिकारी डॉ.प्रीती पाटील यांनी मार्गदर्शन केले .
यावेळी ग्रामपंचायत चे ग्रामविकास अधिकारी श्री.रमेशजी देवरे,श्री.जगदीश नन्नवरे,श्री.संदीप कोळी,ग्रामपंचायत सदस्य,
श्री.प्रशांत पाटील,MPW सौ.सपना नन्नवरे,सौ.अंजना नन्नवरे,सौ.सोनी नन्नवरे-आशा सेविका सौ.नीता साळुंके व गावातील गर्भवती माता, युवक-युवती महिला व बालक यांची उपस्थिती होती.