<
भडगाव(प्रतिनीधी)- येथुन जवळच असलेल्या क.ता.ह. रा.पा.कि.शि.सं.भडगाव,संचलीत कोळगाव ता.भडगाव येथील गो.पु.पाटील विद्यालय व कनिष्ठ महाविद्यालयात ता.२३ सप्टेंबर ते ३० सप्टेंबर २०१९ दरम्यान आयोजित स्व.कर्मवीर तात्यासाहेब हरी रावजी पाटील यांच्या १८ व्या पुण्यस्मरण सप्ताहाची सांगता तात्यासाहेबांना वंदन व पुजन करुन करण्यात आले.त्यासोबतच आठवडाभर आयोजित विविध स्पर्धेतील यशस्वी स्पर्धकांना बक्षीस वितरण करुन करण्यात आले. कार्यक्रमाची सुरुवात देवी सरस्वती, स्व.तात्यासाहेब, स्व.कमल आजी,स्व.युवराज दादा, स्व. अशोक आण्णा, स्व.साधनाताई आदिंच्या प्रतिमेस पुष्पहार तसेच श्रीफळ वाढऊन करण्यात आले.कार्यक्रमाच्या अध्यक्षस्थानी कला महाविद्यालयाचे प्रभारी प्राचार्य संतोष माळी होते तर प्रमुख पाहुणे म्हणून प्रा.आर.ए.पाटील,किशोर चौधरी,मनोज पवार,माया मराठे,सोनाली सोनवणे,मनीष पाटील आदि उपस्थित होते.
कार्यक्रमाचे सुत्रसंचालन प्रवीण पाटील यांनी केले तर आभार प्रशांत पाटील यांनी मानले. आठवडाभर चालणारे सर्वच कार्यक्रम यशस्वी होण्यासाठी गो.पु.पाटील,विद्यालय व कनिष्ठ महाविद्यालयाचे प्राचार्य आर.एस.पाटील तसेच पर्यवेक्षक टी.एस.पाटील यांच्या मार्गदर्शनाखाली शिक्षक-शिक्षिका,प्राध्यापक-प्राध्यापिका,शिक्षकेतर कर्मचाऱ्यांनी प्रचंड मेहनत घेतली.
