<
लोहारा ता.पाचोरा जि जळगाव (रिपोर्टर ईश्वर खरे)
ज्येष्ठ नागरिक संघ लोहारा येथे सेवानिवृत्त उपमुख्यकार्यकारी अधिकारी श्री व्हीं आर नाईक साहेब (कल्याण) मुंबई यांनी सदिच्छा भेट दिली.. कारण त्यांचे वर्गमित्र विविध कार्यकारी सोसायटीचे नवनिर्वाचित चेअरमन श्री प्रभाकर चौधरी हे त्यांचे वर्गमित्र असल्याने त्यांना विशेष करून भेटण्यासाठी आले होते व मित्र यांची लोहारा गावातील विकासो चेअरमन पदी निवड झाली त्यांनी देखील प्रथम ज्येष्ठ नागरिक माजी मुख्याध्यापक श्री प्रभाकर चौधरी यांचा नारळ,श्रीफळ,पुष्पगुच्छ देऊन सत्कार केला. व मैत्री कशी अतूट असावी याचे उत्तम उदाहरण सर्वाना देऊन गेले.
त्यांनी बालपणीच्या गोष्टींना उजाळा देऊन प्रभाकर चौधरी यांच्या कार्याबद्दल अतिशय चांगली माहिती दिली तसेच भगवंताचे नामस्मरण नेहमीच करावे कारण ती एक जीवन जगण्याची उर्जा आहे व सुखी जीवन जगण्यासाठी वर्तमान काळात राहून विचार केला पाहिजे असे त्यांनी आवर्जून सांगितले तसेच ज्येष्ठ नागरिक बंधू-भगिनींना अतिशय मोलाचे मार्गदर्शन त्यांनी केले. लोहारा ज्येष्ठ नागरिक संघातर्फे सभासद माणिक कासार यांच्यावतीने सेवानिवृत्त उपमुख्यकार्यकारी अधिकारी नाईक साहेबांचे शाल श्रीफळ पुष्पगुच्छ देऊन स्वागत करण्यात आले.
यावेळी ज्येष्ठ नागरिक संघाचे अध्यक्ष श्री भास्करराव अंबिकार उपाध्यक्ष पटेल सर, सचिव बाबुलाल बोरसे, उपसचिव बाबूलाल सुतार, माणिक कासार रामचंद्र काळे सुखदेव बाविस्कर ईश्वर परदेशी, आनंदा माळी, श्रीराम कलाल, व सर्व महिला, पुरुष सदस्य हजर होते शेवटी सौ काळे ताई यांनी पसायदान म्हणून मीटिंगची सांगता केली.
