लोहारा ता.पाचोरा जि.जळगाव (रिपोर्टर ईश्वर खरे)
येथील विविध कार्यकारी सोसायटीचे माजी चेअरमन तथा विद्यमान सभासद सुनील क्षीरसागर यांची मुलगी तेजस्विनी क्षीरसागर हिच्या 18 व्या वाढदिवसाच्या निमित्ताने स्वतः घरासमोर लावलेले वडाचे रोपटे 4 वर्ष मोठे करून आज मुलीच्या वाढदिवसानिमित्ताने मराठी मुलांची शाळा येथे मोकळ्या पटांगणावर वडाचे वृक्षारोपण करण्यात आले.
वाढदिवस म्हटला की फटाके, केक,इतरत्र खर्च टाळून काळाची गरज लक्षात घेता क्षीरसागर परिवारातर्फे वृक्षारोपण करण्यात आले व मुलीला वाढदिवसाच्या शुभेच्छा देण्यात आल्या. प्रवीण क्षीरसागर ,कैलास क्षीरसागर यांनी जेसीबी आणून खड्डा करून सहकार्य केले.यावेळी प्रगतशील शेतकरी श्रावण चौधरी,सुनील क्षीरसागर, उमेश देशमुख, पत्रकार ज्ञानेश्वर राजपूत, संजय लिंगायत, रतन चव्हाण,सईद पठाण,मराठी मुलांची शाळा मुख्याध्यापिका, शिक्षक, शिक्षिका,ग्रामस्थ उपस्थित होते.