एरंडोल मतदारसंघातून प्रा.पवार सरांची अपक्ष उमेदवारी

एरंडोल-(शैलैश चौधरी-) शहरातील सुपरीचित व्यक्तिमत्व व व्यवस्थेप्रती सुजाण असलेले प्रा.प्रतापराव रामदास पवार सर यांनी आज आपला अपक्ष नामांकन अर्ज निवडणुक अधिकारी विनय गोसावी यांच्याकडे सादर केला. विधानसभा मतदार संघासाठी आज शेवटची मुदत असल्याने अनेक उमेदवारांनी एकच गर्दी केली होती.अर्ज दाखल करतांना दादाभाऊ शिरसाठ, भरत शिरसाठ, प्रकाश शिंदे व सुपुञ रणधीर पवार यांच्यासह असंख्य कार्यकर्ते हजर होते,माझ्या अपक्ष उमेदवारीला नागरीकांकडून निश्चितच चांगला प्रतिसाद मिळत असून मी नक्की निवडून येणार असा आशावाद पवार सरांनी या प्रसंगी व्यक्त केला,प्रतापराव पवार सर यांनी अमेरीकेचे कृष्णवर्णीय राष्ट्राध्यक्ष अब्राहम लिंकन यांचा आदर्श डोळ्यासमोर ठेवून निवडणूक लढवण्याचा निर्णय घेतला असल्याचे सांगीतले, तसेच जनता जनताजनार्दनाचा आशिर्वाद माझ्या पाठीशी असल्याचे यावेळी सांगीतले बरोबरच आपण स्वहीताकडे लक्ष न देता आपण जनतेच्या हीताकडे लक्ष देणार असल्याचे व वंचीत बहुजन आणी मागास समाजाचे अनुत्तरीत असलेले प्रश्न मार्गी लावणार असल्याचे सांगीतले.