मुंबई येथे झालेल्या भेटी दरम्यान फक्त चर्चा
जळगांव(प्रतिनिधी)- येथील रमाई हाँस्पिटल च्या संचालिका सौ. अंजली बाविस्कर हे मागे झालेल्या लोकसभा निवडणुकीत वंचित बहुजन आघाडीकडून निवडणूक लढवत होते. लोकसभेच्या लागलेल्या निकालात त्यांचा पराभव झाला. मात्र आज सोशल मीडियावर त्यांचा रिपब्लिकन पार्टी ऑफ इंडिया(आठवले गट) यात केंद्रीय राज्यमंत्री ना. रामदास आठवले यांच्या उपस्थितीत मुंबई येथे कार्यकर्त्यां समवेत प्रवेश केल्याची बातमी प्रसिद्ध करण्यात आली. याबाबत सविस्तर वृत्त असे की, आमच्या सत्यमेव जयते च्या प्रतिनिधीने अंजली बाविस्कर यांच्याशी भ्रमणध्वनीवर संपर्क साधला असता, त्यांनी आपला कुठल्याही पक्षात प्रवेश झाले नसल्याचे आमच्या प्रतिनिधीशी बोलताना सांगितले. तसेच मुंबईत ना.रामदास आठवले यांची फक्त भेट घेण्यात आल्याचे सांगितले.
