<
भडगाव-[वार्ताहर]- येथुन जवळच असलेल्या क. ता. ह. रा. पा. कि. शि. संस्था, भडगाव, संचलीत गो.पु.पाटील विद्यालय व कनिष्ठ महाविद्यालय, कोळगाव येथील १२ वी कला शाखेची विद्यार्थीनी तसेच कुस्तीपटू “कु.दिपाली कैलास मोरे ” हिने क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा कार्यालय नाशिक तर्फे भगूर येथील बलकवडे आंतरराष्ट्रीय व्यायामशाळेत आयोजित “विभागीय शालेय कुस्ती क्रीडा स्पर्धेत”१९ वर्षाआतील मुलींच्या ७२ कि.ग्रॕ. वजनी गटात प्रथम येत अंतिम सामन्यांपर्यंत प्रतिस्पर्ध्यांवर मात करीत यशस्वीपणे कामगिरी पार पाडत विजयी होत आळंदी ता.खेड जि.पुणे येथे होणाऱ्या राज्यस्तरीय कुस्ती स्पर्धेसाठी आपले स्थान पक्के केले आहे तसेच याच “स्पर्धेत ६३ कि.ग्रॕ. ग्रीकरोमन कुस्ती स्पर्धेत चि.चेतन नेहरु पाटील याने उपविजेतेपद” प्राप्त केले आहे. कु.दिपाली तसेच चि.चेतन यांना क्रीडा शिक्षक बी.डी.साळुंखे, आर.एस.कुंभार, राष्ट्रीय खो-खो पंच प्रेमचंद चौधरी यांचे सातत्याने मार्गदर्शन लाभत आहे. कु.दिपालीच्या या यशाबद्दल संस्थेचे चेअरमन प्रतापराव पाटील,माजी नगराध्यक्ष शामकांत भोसले, दुध फेडरेशनच्या संचालिका पुनमताई पाटील,मंत्रालयातील अव्वर सचिव प्रशांत पाटील, माध्यमिक पतपेढीचे संचालक जगदीश पाटील,डॉ.कमलेश भोसले,महाविद्यालयाचे प्राचार्य आर.एस.पाटील, प्रभारी प्राचार्य संतोष माळी,पर्यवेक्षक टी.एस.पाटील,अनिल पवार,आर.ए.पाटील,किशोर चौधरी, माया मराठे,सोनाली सोनवणे,मनोज पवार,अरविंद देसले,चेतन भोसले,राहुल सोनवणे तसेच प्राध्यापक-प्राध्यापिका,शिक्षकेतर कर्मचाऱ्यांनी कौतुक करीत राज्यस्तरीय स्पर्धेसाठी शुभेच्छा दिल्या आहेत.
