<
फैजपूर-( मयूर मेढे) -जन्मतः दोघं पायाने दिव्यांग असुनही हिंमत न हारता स्वाभिमानाने जीवन जगत असतांना समाजातील आपल्यासारख्याच इतर दिव्यांग बांधवांच्या मदतीला सदैव तत्पर असलेले नितीन व सुष्मा या दिव्यांग जोडीने आज समाजासमोर आदर्श निर्माण केला. शरीराने दिव्यांग पण बुद्धिने इतरांपेक्षा हुशार असे नितीन महाजन व सुष्मा भिडे हे जोडपे आज पारंपरिक चालीरीतींना फाटा देत व जातिभेदाच्या सर्व भिंतींच्या पलिकडे जाऊन जिल्हाधिकारी कार्यालयात विवाहबद्ध झाले.
या दिव्यांग वधु वरांना शुभेच्छा देण्यासाठी जळगाव जिल्हाधिकारी अविनाश ढाकणे, जिल्हा नियोजन समिती लेखाधिकारी के. बी. सोनार साहेब, प्रकल्प संचालिका राष्ट्रीय बालकामगार प्रकल्प वैशाली कोकाटे ,शिक्षण विस्तार अधिकारी माध्यमिक विभाग गणेश शिवदे, मुख्याध्यापक गणेश गुरव फैजपूर, खान्देश नारीशक्ती गृप अध्यक्षा व राष्ट्रीय नमो सेना महिला जिल्हाध्यक्षा दिपाली चौधरी झोपे, दिव्यांग सेना जिल्हाध्यक्ष अक्षय महाजन, राष्ट्रीय नमो सेना जिल्हाध्यक्ष संदीप पाटील, भाजपा फैजपूर शहराध्यक्ष संजय रल, दिव्यांग सेना यावल ता.अध्यक्ष नाना मोची, भरत जाधव प्र. सचिव, राहुल कोल्हे, मुन्ना चौधरी, गणेश पाटील, विशाल कासार, संजय बूवा यांच्यासह वधुवरांकडील सर्व नातेवाईक उपस्थित होते.
