<
भाजपचे बंडखोर उमेदवार चंद्रशेखर अत्तरदे यांना शिवसेनेचे ह.भ.प.ज्ञानेश्वर महाराज जळकेकर यांचा जाहीर पाठिंबा
जळगाव (प्रतिनिधी) – जळगाव ग्रामीण मतदार संघात अनेक घडामोडी घडत असून आज शिवसेना जिल्हा संघटक ह.भ.प. ज्ञानेश्वर जळकेकर महाराज यांनी आपला जाहीर पाठिंबा देऊन खळबळ उडवून दिली असुन शिवसेनेला त्यांनी बाय, बाय केले आहे.
हि माहिती आज लकी टेलर यांच्या रिंगरोड वरिल लक्ष्मी निवास्थानी पत्रकार परिषदेत दिली . यावेळी बाजार समितीचे माजी सभापती लकी अण्णा टेलर, जि.प. उपाध्यक्ष जानकीराम पाटील हे उपस्थित होते.
दरम्यान शिवसेना जिल्हा संघटक ह.भ.प. ज्ञानेश्वर जळकेकर महाराज यांनी पक्षप्रमुक उद्धव ठाकरे यांना जिल्हा संघटक पदाचा राजीनामा पाठविला असून पक्षात गळचेपी होत होती. तसेच मला निवड प्रक्रियेत डावलले गेल्याने राजीनामा देत असल्याचा निर्णय घेतल्याचे ज्ञानेश्वर जळकेकर महाराज यांनी सांगितले .
यावेळी बोलताना शिवसेना जिल्हा संघटक ह.भ.प.ज्ञानेश्वर महाराज जळकेकर यांना जळगाव कृषी उत्पन्न बाजार समितीच्या संचालक पदासाठी मला डावलण्यात आल्याने तसेच मला विश्वासात घेण्यात न आल्याने माझ्या मनात नाराजी होती. तसेच बाजार समितीचे संचालक पद भरण्याचे मला सांगितले होते. मात्र त्यातही मला डावलले गेले आणि पंकज पाटील यांना संचालक पद दिले गेले . सहकार राज्यमंत्री गुलाबराव पाटील यांचे नाव घेवून त्यांनी आपल्याला विश्वासात घायला हवे होते अशी खंत व्यक्त करून चंद्रशेखर अत्तरदे यांना जळगाव ग्रामीण मतदार संघासाठी पाठिंबा देत असल्याचा खुलासा ह.भ.प. ज्ञानेश्वर महाराज जळकेकर यांनी व्यक्त केला.
