<
आ. किशोरआप्पा पाटील यांचा विजय निश्चित – भडगाव मतदारसंघात जोरदार चर्चा
पाचोरा-(प्रमोद सोनवणे) – येथील शिवसेना – भाजपा महायुतीचे उमेदवार आमदार किशोर आप्पा पाटील यांच्या प्रचारार्थ पाचोरा शिवसेना महिला आघाडीच्या नेत्या सुनीताताई किशोर पाटील यांनी आज पिंप्रीहाट, कोळगाव, सावदे या परिसरात झंझावती दौरा केला. त्यांच्या या दौऱ्याला माता – भगिनी तसेच जनतेतून जोरदार प्रतिसाद मिळत असून, माता भगिनी ह्या चरित्र संपन्न उमेदवार आमदार किशोर आप्पा पाटील यांनाच पुन्हा विजयी करतील असा विश्वास जनतेतून व्यक्त करीत असल्याचा दावा पाचोरा शिवसेना महिला आघाडीने केला आहे. पाचोरा महिला आघाडीचा आपल्या शेकडो महिला सैनिकाच्या सोबत अंत्यत नियमितबद्ध प्रचार यंत्रणा सुरु असून आमदार किशोर आप्पा पाटील यांना पाचोरा – भडगाव मतदार संघातून प्रचंड मताधिक्य मिळवून देण्याचा चंगच त्यांनी बांधला आहे.
आजच्या महिला आघाडीच्या प्रचार दौऱ्यास जनतेतून प्रचंड प्रतिसाद मिळत असून, आमदार पाटील हेच पुन्हा विजयी होतील असा विश्वास जनतेतून दिसत असल्याचे चित्र आहे, या प्रचार दौऱ्यात त्यांच्या सोबत शिवसेना युवासेनेचे पदाधिकारी व महिला पदाधिकारी तसेच ग्रामस्थ उपस्थित होते.
