दिवाळीनिमित्त गरजू महिलांना साड्या व फराळ भेट

जळगांव(प्रतिनीधी)- मनामनाला आनंद देणारा दिपोत्सव अवघ्या काही दिवसांवर येऊन ठेपला आहे. परंतू समाजातील काही दुर्बल व गरजू घटकांना हा आनंद उपभोगण्यास मिळत नाही. अशा या गरजूंची दिवाळी साजरी व्हावी. या उद्देशाने येथील प्रविण पाटील फाऊंडेशन व राष्ट्रीय हरित सेना यांच्या तर्फे शहरातील रेल्वे स्टेशन, बसस्थानक, शिवाजी नगर, पांडे चौक, गेंदालाल मिल परिसर तसेच विविध ठिकाणी आश्रयाला असलेल्या २५ गरजू महिलांना दिवाळीनिमित्त नव्या साड्या तसेच त्यांच्या कुटुंबीयांना मिठाई बॉक्स व फराळाची भेट देण्यात आली. अचानक मिळालेल्या या भेटीमुळे गरजू कुटुंबियांच्या व त्यांच्या लहान चिमुकल्यांच्या चेहर्‍यावर आनंद दिसून आला. गेल्या पाच वर्षांपासून फाउंडेशनतर्फे हा उपक्रम राबविण्यात येतो. फाउंडेशनचे सदस्य स्वखर्चाने या उपक्रमाचे आयोजन करतात. कार्यक्रमासाठी फाउंडेशनचे अध्यक्ष प्रवीण पाटील, सचिव अक्षय सोनवणे, भाजपा मंडळ अध्यक्ष शक्ती महाजन , मंगला सपकाळे, विकास वाघ, सुजित काळे हे उपस्थित होते. उपक्रमासाठी मंगला सपकाळे, विकास वाघ यांचे सहकार्य लाभले. फोटो कॅप्शन :गरजूंना फराळ व मिठाई वाटप प्रसंगी प्रविण पाटील, अक्षय सोनवणे, शक्ती महाजन, मंगला सपकाळे, सुजित काळे.