<
भुसावळ-(प्रतिनिधी)-येथील पत्रकार असो.तर्फे प्रसार माध्यमांची गळचेपी करून खोटे गुन्हे दाखल करणार्‍या जळगाव पीपल्स बँक चेअरमन , संचालक मंडळ व बँक प्रशासनाचा निषेध करण्यात येऊन त्यांच्यावर कारवाई करण्यात यावी अशा मागणीचे निवेदन आज तहसीलदार दिपक ढिवरे यांना भुसावळ शहर पत्रकार असोशिएशनतर्फे देण्यात आले. यावेळी बहुसंख्य पत्रकारांची उपस्थिती होती. याबाबत सविस्तर वृत्त असे की, पिपल्स बँकेला आरबीआयने 25 लाखाचा दंड केल्याचे वृत्त दै.बातमीदारमध्ये प्रसिध्द झाले त्यामुळे ठेविदारांनी बँकेतील ठेवी काढण्यात सुरुवात केली. याचा राग येवून बँकेचे चेअरमन, संचालक व बँक प्रशासनाने दै. बातमीदारचे संपादक हेमंत पाटील यांच्या विरुध्द आकसबुध्दीने यापुढे बातम्या छापू नये यासाठी दबाव तंत्राचा वापर करीत त्यांच्यावर खोटा गुन्हा दाखल केला. हे एक प्रकारे वृत्तपत्र स्वातंत्र्याची गळचेपी करण्याचा निंदनीय प्रकार असल्याने या प्रवृत्तीचा निषेध करण्यासाठी पत्रकार संघटना पुढे आल्या असून भुसावळ येथे तहसीलदार दिपक ढिवरे यांना निवेदन देवून निषेध व्यक्त करण्यात आला.
