मुंबई सेंट्रल स्थानकात लोकलसमोर वृद्धाचा आत्महत्येचा प्रयत्न
मुंबई सेंट्रल रेल्वे स्थानकातला एक व्हिडिओ समोर आला ,लोक ट्रेनची वाट पाहताना एक आजोबा शांतपणे उतरले. समोरून लोकल येत होती त्याचवेळी त्यांनी ट्रॅकवर बसून घेतले. फलाटावर उभ्या असलेल्या लोकांनी हा प्रकार पाहिल्यानंतर आरडाओरडा सुरू केला. तोपर्यंत लोकल जवळ येण्यास सुरूवात झाली होती. आता या वृद्ध माणसाचं काय होणार हा प्रश्न पडलेला असताना धाडस करून MSF स्टाफ मनोज आणि अशोक यांनी रूळावर उडी मारत आजोबांना बाजूला केलं. आजोबांना बाजूला करताच काही क्षणात ट्रेन त्या रूळावरून निघून गेली. हा सगळा प्रकार पाहणाऱ्यांच्या अंगावर काही क्षणांसाठी काटाच आला होता. मात्र अवघ्या काही सेकंदात जवानांनी या आजोबांचे प्राण वाचवले. वेस्टर्न रेल्वेच्या ट्विटर अकाऊंटवरून हा व्हिडिओ ट्विट करण्यात आला आहे.
