<
दोंडाईचा(प्रतिनीधी)- कंपनीच्या नावाची नक्कल करून बनावट बिडीची विक्री करणाऱ्या दोंडाईचातील एकावर गुन्हा दाखल करण्यात आला आहे. या संदर्भात मुंबईच्या आयपीसी इनव्हेस्टीगेशन डिटेक्टिव्ह सर्व्हिसचे अधिकारी अनिल मोरे जळगाव यांनी दोंडाईचा पोलीस ठाण्यात दिलेल्या फिर्यादीत म्हटले आहे की, दोंडाईचा शहरातील तखतमल मार्केटमध्ये हरदेव स्वीट या दुकानासमोर आकाश रवींद्र पाटील वय (१९) राहणार मांडळ, ता. शिंदखेडा यास बनावट बीडीचा साठा बाळगतांना पकडण्यात आले. छत्रपती बिडी वर्क्स संभाजी बिडी साबले वाघिरे आणि कुर्ला या नावाचे लेबल लावून बनावट विक्री करण्याच्या उद्देशाने आकाश पाटील हा साठा बाळगून असल्याचे चौकशीत पुढे आले आहे. यावरून आकाश पाटील विरुद्ध कॉपीराईट १९५७ सुधारित अधिनियम १९८४ अधिनियम कलम ६३ ६५ गुन्हा दाखल करण्यात आला आहे.
