<
जळगांव(प्रतिनीधी)- महाराष्ट्र शासनाच्या कामगार विभागामार्फत दि.७ नोव्हेंबर ते ७ डिसेंबर २०१९ या कालावधीत बालकामगार प्रथेविरुद्ध जनजागृती अभियान राबविण्यात येत आहे. अभियानाचा एक भाग म्हणून जळगाव जिल्हा व्यापारी आणि मालक संघटनांना कायद्याची माहिती व्हावी, यासाठी जळगाव जिल्हा व्यापारी महामंडळने पुढाकार घेतला आहे. दि.२६ रोजी सायंकाळी ४ वाजता एकता सभागृह, एकता रिटेल सोसायटीशेजारी, नवीपेठ याठिकाणी सहाय्यक कामगार आयुक्तांकडून मार्गदर्शन करण्यात येणार आहे. तरी सर्व सभासदांनी उपस्थित रहावे, असे आवाहन व्यापारी महामंडळचे अध्यक्ष विजय काबरा व सचिव ललित बरडीया यांनी केले आहे.
