मुक्ताईनगर(प्रतिनीधी)- तालुक्यातील घोडसगांव शिवारातील नदीपात्रालगत पंपिग हाउस जवळ शिरछेद केलेला मृतदेह आढळुन आल्याने परीसरात खळबळ उडाली. याबाबत सविस्तर वृत्त असे की दिनांक ५ रोजी दुपारी २:३० च्या सुमारास घोडसगांव शिवारातील पंपिग हाउस जवळ नदी पात्रालगत अनोळखी इसमाचे प्लास्टीकच्या पिशवीत मुंडके बांधुन पाण्यात फेकलेले गाठोडे मिळुन आले. सदर इसमाचे वय अंदाजे ६०ते ६५ च्या दरम्यान असुन वर्ण गोरा, दाढी मिशी वाढलेली व केस लांब आहे. अनोळखी मयत इसमास कोणीतरी अज्ञात आरोपीने तिष्ण हत्याराने मुंडके धडावेगळे करुन जीवे ठार मारलेले आहे. मयताचे डोके व धड वेगवेगळे काळया रंगाच्या प्लॅस्टीकच्या पन्नीत गाठोडे बांधुन पुर्णा नदीच्या पात्रात फेकुन दिलेले होते.याबाबत पोलीस सुत्रांच्या माहिती नुसार अज्ञात व्यक्तीची ओळख पटविण्याच्या दृष्टीने मयतांच्या वारसांना व गुन्हयातील आरोपींचा शोध घेण्याचा प्रयत्न सुरु आहे. पुढील तपास पोलीस निरीक्षक सुरेश शिंदे यांच्या मार्गदर्शनाखाली सुरू आहे.
