गो.पु.पाटील कनिष्ठ महाविद्यालयात विद्यार्थ्यांनी राष्ट्रीय मतदार दिनानिमीत्त घेतली शपथ

भडगाव – येथुन जवळच असलेल्या कर्मवीर तात्यासाहेब हरि रावजी पाटील किसान शिक्षण संस्था, भडगाव, संचलीत गोपीचंद पुना पाटील कनिष्ठ महाविद्यालय, कोळगाव येथे राष्ट्रीय मतदार दिन विद्यार्थी-विद्यार्थिनी,प्राध्यापक-प्राध्यापिका तसेच शिक्षक-शिक्षकेतर यांच्या साक्षीने मोठ्या उत्साहात साजरा करण्यात आला.
सर्वप्रथम प्रा.मनेष पाटील यांनी उपस्थितांना मतदार दिनाचा उद्देश आपल्या अनमोल अशा प्रास्ताविकातुन सादर केला.तद्वतच उपस्थित विद्यार्थी-विद्यार्थिनी,प्राध्यापक-प्राध्यापिका व शिक्षक-शिक्षकेतर कर्मचाऱ्यांना त्यांनी शपथ दिली.
प्राचार्य आर.एस.पाटील यांच्या मार्गदर्शनाखाली झालेल्या या कार्यक्रमास प्रभारी पर्यवेक्षक आर. ए.पाटील,प्रा.माया, मराठे, प्रा.एम.ए.पवार, प्रा.एस.आर.सोनवणे आदि शिक्षक-शिक्षकेतर कर्मचारी उपस्थित होते.