<
पालकमंत्री ना. गुलाबराब पाटील यांनी केले अभिनंदन
जळगांव(प्रतिनीधी)- सीए (चार्टर्ड अकाऊंटंट) परीक्षेत हितेश किशोर आगीवाल यांनी यश मिळवले आहे. त्यांनी मुंबई येथील मे. छाजेड दोशी येथे प्रशिक्षण घेतले आहे. त्यांचे सर्व स्तरावरून कौतुक होत आहे. त्यांच्या यशाबद्दल ना. गुलाबराव पाटील पाणीपुरवठा व स्वच्छता कॅबिनेट मंत्री तथा पालकमंत्री जळगाव जिल्हा यांनी त्यांचे अभिनंदन केले. तसेच मुंबई येथील सीए एस. एम. खिंवसरा, सीए उगमराज लूनावत, सीए दिपक ठक्कर, सीए महेंद्र छाजेड, सीए पियुष छाजेड, सीए अजय जैन, सीए नितेश जैन यांनी त्यांचे अभिनंदन करून पुढील वाटचाली साठी शुभेच्छा दिल्या. हितेश यांनी आपल्या यशाबद्दल सांगितले की गावातील प्रत्येक युवकाने ध्येयनिश्चिती करावी आणि योग्य दिशेने प्रयत्न करत राहावे त्याला यश नक्की प्राप्त होते. कधीही खचून जाऊ नये आणि अपयशाला सुद्धा सकारात्मक घेऊन पुढील वाटचाल सुककर करावी. ते नांद्रा बु. येथील माजी सरपंच तसेच प्रगतिशील शेतकरी किशोर आगीवाल यांचे चिरंजीव तसेच जळगाव येथील बांधकाम व्यावसायिक दिलीप आगीवाल यांचे पुतणे आहे.
